Finn din utdanning
Idrett - Årsstudium
Idrett - ÅrsstudiumIdrett - Årsstudium
Studiet er særleg relevant for studentar som siktar seg inn mot arbeid i ulike skuleslag, men også for andre felt der det vert drive fysisk aktivitet, som t.d. i frivillig organisert og uorganisert idrett, i privat og offentleg verksemd som vaksenopplæring, Forsvaret, kultur- og fritidssektoren osv. Studiet kan takast som vidareutdanning for lærarar og gir grunnlag for vidare studium i idrett. Det kan innpassast i bachelorstudiet i Idrett og friluftsliv ved Høgskulen i Volda eller inngå som valfri del i andre bachelorgradar, som fagval i lærarutdanning eller inngå i ein fagkrins med praktisk-pedagogisk utdanning (PPU). Utdanningens målStudiet er sett saman av eit stort utval praktiske aktivitetar, teoretiske emne og undervisnings-/instruksjonspraksis. Slik skal studentane tileigne seg dugleik, erfaring, kunnskap og innsikt i fagområdet med dei tilpassingane som er nødvendige for å møte barn og unge med ulike føresetnader. Studentane skal m.a. tileigne seg erfaring og innsikt i dei idrettsaktivitetar som er forpliktande for kroppsøvingsundervisninga i skulen, og få innsikt i og praktisk røynsle med idrett, dans og friluftsliv. Alle vil få ei veke praksis som instruktør for personar med ulike funksjonshemmingar. Opptakskrav/SøknadGenerell studiekompetanse Studiepoeng (ECTS)60 Utdanningens strukturIdrett årsstudium er sett saman av fire emne: · Motorisk læring, 15 stp. · Pedagogikk, idrett og samfunn, 15 stp. · Idretts- og kroppsøvingsdidaktikk, 15 stp. · Treningslære, 15 stp. Det vert veksla mellom førelesingar, praktisk arbeid, gruppearbeid, kollokvium, sjølvstudium, eigentrening og ekskursjonar/kurs. Studentane vil ha tilgjenge til 25 meter-basseng med 5 meter stupetårn, treningsrom, salar og uteområde heile veka. Delar av studiet er lagde som ekskursjonar/kurs i nærområdet til alle årstider: Om hausten 2 1/2 dagars kystfriluftsliv med overnatting i telt, om vinteren 2 1/2 dagars vinterfriluftsliv og 4 dagars skikurs som kan verte eksternt plassert, om våren dagstur på ski i vårfjellet. Studentane skal vere med på å planleggje og undervise barn, unge og vaksne med særlege behov i samband med Spenningskurset på Bjorli vinteren 2010 (5 dagar). I tillegg skal studentane ha praksis, anten skulepraksis eller instruksjonspraksis i idrettslag / frivillige organisasjonar. Det må påreknast utgifter til reiser og kurs, litteratur, personleg utstyr, klede, fottøy, sovepose, liggjeunderlag, ski osv. Studiefakta, Tittel m.mÅrsstudium Høgskulen i Volda
Til Volda - og vidareKorleis ser du føre deg ein perfekt start på studielivet? Og kva med vegen vidare? I vakre Volda veks det i mai og juni fram nye kull med ferdigutdanna studentar, klare for eit nytt kapittel i livet. Erfaringane frå den intime og vakre studiestaden med rundt 8000 innbyggjarar følgjer med resten av livet, både fagleg og sosialt. I Volda går kultur og natur hand i hand. Frå det populære studenthuset, kafeen og konsertscena Rokken, er vegen kort til toppen av Rosethornet, eit kjent og kjært landemerke. Tek du turen opp, vil du også få oversyn over heile Volda og den vakre naturen som omgir studentbygda. Velkomen til Volda! Kvifor velje VoldaEit studieopphald i Volda gir deg tverrfagleg og attraktiv fagleg kompetanse, skreddarsydd for eit breitt yrkesliv. Først sørgjer den tradisjonsrike Fadderveka og andre festivalar for at du som ny student landar trygt og får grunnlag for god fagleg utvikling i eit godt læringsmiljø. Men reisa er på langt nær over med det. For nyutdanna studentar frå Høgskulen i Volda går reisa gjerne vidare – inn i eit utfordrande arbeidsliv – og kanskje ut i verda? Tek du høgare utdanning i Volda, er alt opp til deg sjølv. Høgskulen er kjende for yrkesutdanningar med god fagleg kvalitet, og studerer du til dømes mediefag, lærarutdanning eller sosialt arbeid i Volda, får du svært ettertrakta fagleg og sosial kompetanse på arbeidsmarknaden. Tek du eit halvår av utdanninga ved ein av dei mange samarbeidsinstitusjonar i heile verda, utvidar du i tillegg horisonten og skaffar deg ekstra tyngd og erfaring. Studietilbudet gjenspeiler kompetansebehovet både i offentlig og privat sektor, med mulighet for utdanning både på bachelor- og mastergradsnivå. Høgskulen har i tillegg mange kreative og spennende fagstudium innanfor mediedesign, drama, friluftsliv, idrett, historie, realfag, kunst, musikk, språk med meir. Ut i verda?Høgskulen i Volda er i tet mellom høgskulene i Noreg når det gjeld inn- og utveksling av studentar. I alle bachelor- og masterprogram legg høgskulen til rette slik at studentar kan ta minimum eit semester i utlandet, som ein integrert del av graden ved høgskulen. Ein kan i praksis reise kvar som helst i verda, men det kan vere ein fordel å reise til ein samarbeidspartnar. Per i dag har Høgskulen i Volda rundt 140 partnarar i meir enn 40 land. Høgskulen i Volda er også offensiv når det gjeld å ta imot studentar frå utlandet, og har aldri før hatt så mange som i år. Dette er med på å gjere Volda til eit internasjonalt knytepunkt. Tek du ein tur rundt på campus, kan du ikkje la vere å leggje merke til "Pangaia", den internasjonale møteplassen.
|
|||||||||||||||||||||
Er du glad i å vere i fysisk aktivitet, er dette studiet for deg. Årsstudium i idrett gir grunnleggjande innføring i arbeid med idrett i undervisning og trening i grunnskulen. Som student får du erfaring og innsikt i idretts- og friluftsaktivitetar, eigenutvikling og forståing av fordelen med ein aktiv livsstil. Du vil ha tilgang til gode fasilitetar: idrettssalar, symjehall, ulike treningsbaner, treningsrom og testlaboratorium. Den utfordrande sunnmørsnaturen vil dessutan danne ei naturleg ramme rundt ulike uteaktivitetar. 
Gi litt av deg sjølv - få masse tilbake!
Tlf: 70 07 50 00 
